အရမ်းချစ်ရတဲ့ တပည့်ဖြစ်သူ ပိုင်တံခွန်ရဲ့သတင်းကိုကြားပြီး လမ်းမှာတင်ထိုင်ငိုခဲ့ရကြောင်း ပြောလာတဲ့ဂျွန်လွင်

အရမ်းချစ်ရတဲ့ တပည့်ဖြစ်သူ ပိုင်တံခွန်ရဲ့ သတင်းကိုကြားပြီး လမ်းမှာတင် ထိုင်ငိုခဲ့ရကြောင်းပြောလာတဲ့ ဂျွန်လွင်

Stars & Models Int’l Yangon ရဲ့ပဲ့ကိုင်ရှင် တစ်ယောက်ဖြစ်တဲ့ ဂျွန်လွင်ကတော့ သူကိုယ်တိုင်လည်း မော်ဒယ်လ်တစ်ယောက်အဖြစ် အောင်မြင်ကျော်ကြားခဲ့သလို မြန်မာနိုင်ငံအတွက်လည်း မော်ဒယ်လ်ကောင်းတွေကို မွေးထုတ်ပေးနေသူတစ်ယောက်ပဲ ဖြစ်ပါတယ်။

ဂျွန်လွင်ကတော့ တပည့်သား သမီးတွေများစွာရှိသလို တပည့်တွေကြောင့်လည်း စိတ်ချမ်းသာရှိခဲ့ရတဲ့ အချိန်တွေလည်း မနည်းမနောရှိခဲ့သလို တပည့်တွေ အဆင်မပြေတဲ့ အချိန်မှာလည်း ထပ်တူခံစား ဝမ်းနည်းပေးတတ်တဲ့ ဆရာတစ်ယောက်ပဲဖြစ်ပါတယ်။

ဒီတစ်ခါမှာလည်း ဂျွန်လွင်က သူ့ရဲ့တပည့်ရင်း တစ်ယောက်ဖြစ်တဲ့ ပိုင်တံခွန် အလုပ်ကြမ်းနဲ့ ထောင်ဒဏ် (၃) နှစ်ကျမှတ်ခံရတယ်ဆိုတဲ့ သတင်းဆိုးကြောင့် စိတ်ထိခိုက် ကြေကွဲနေခဲ့တာပဲဖြစ်ပါတယ်။

ဂျွန်လွင်က “စိတ်ထိခိုက်ရပါတယ် တပည့်ရေ.. ဘုန်းကြီးဝတ်စဉ်က ဆရာကို မေတ္တာပို့ ကျေးဇူးဆပ်ချင်တယ်ဆိုပြီး video call နှင့် ခေါ်ပြီး သူပြုတဲ့ ကုသိုလ်တွေလဲ အမျှပေးခဲ့တယ်။ အဲဒီအချိန်က ပီတိဖြစ်ပြီး တခါမှမခံစားဘူးတဲ့ တပည့်တယောက်က

ဆရာကို သာသနာဝတ်နဲ့ ကျေးဇူးဆပ်တာ ဝမ်းသာကြည်နူး မျက်ရည်ကျဖူးတယ်။ အခုကျတဲ့ မျက်ရည်ကတော့ သူနှင့်သူမိသားစုအတွက် ပူဆွေးသောက မျက်ရည်ပါ” ဆိုပြီးပြောလာတာ ဖြစ်ပါတယ်။

ဂျွန်လွင်ကတော့ တပည့်တွေကို သားသမီးလိုချစ်သူ တစ်ယောက်ဖြစ်ပြီး ပိုင်တံခွန်ရဲ့ သတင်းကြားကြားချင်းမှာလည်း စိတ်မထိန်းနိုင်ပဲ လမ်းသွားရင်းနဲ့တောင် ငိုနေခဲ့ရတာပဲ ဖြစ်ပါတယ်။

(Visited 40 times, 1 visits today)