ဧရာဝတီမြစ်ထဲက ရှားပါး ရေချိုငါးကြီးတွေ ထပ်မိပြန်ပြီ…ဒီလိုဖမ်းပုံနဲ့ဆို မျိုးတုန်းတော့မည်…

ဧရာဝတီမြစ်ထဲက ရှားပါး ရေချိုငါးကြီးတွေ ထပ်မိပြန်ပြီ…ဒီလိုဖမ်းပုံနဲ့ဆို မျိုးတုန်းတော့မည်…

ယခုရက်ပိုင်း နှစ်ချို့ ရှားပါး ငါးကြီးတွေ ဧရာဝတီမြစ်ထဲက ဖမ်းဆီးရမိတဲ့ သတင်းတွေ ခပ်စိတ်စိတ် ကြားနေရပါတယ်။ ဒီလို နှစ်ချို့ ငါးကြီးမျိုးတွေဆိုတာ ရိုးရာ ငါးဖမ်းနည်းနဲ့ ဖမ်းမိဖို့ မလွယ်ကူလှပါဘူး။ သူတို့က မြစ်ကြမ်းပြင်နားမှာ ကျက်စားလေ့ ရှိပြီး မြစ်ရေအောက် ဂူတွေ၊ အငူတွေ နားမှာ ကျက်စားလေ့ ရှိတာကြောင့် ရိုးရာနည်းနဲ့ ဘယ်လိုမှ ဖမ်းဖို့ မဖြစ်နိုင်ပါဘူး။

ဘက်ထရီရှော့တိုက် ဖမ်းနည်းကလည်း ရေတိမ်နဲ့ ရေအိုင်ထဲမှာပဲ အလုပ်ဖြစ်ပြီး ရေစီးသန်တဲ့ မြစ်လယ်ပိုင်းမှာတော့ အလုပ် မဖြစ်ပါဘူး။ ဒါပေမယ့် မဟုတ်တဲ့နေရာမှာ ဥာဏ်နီဥာဏ်နက် ထွက်တဲ့ ရွှေမြန်မာတွေကတော့ ဟိုးအောက် မြစ်ကြမ်းပြင်အထိ သက်တော့င် သက်သာ ငါးဖမ်းလို့ ရမယ့် နည်းကို ရှာတွေ့ခဲ့ပါတယ်။

အဲဒါကတော့ မြစ်ကြမ်းပြင်အထိ ဝါယာကြိုးချပြီး မီးစက်နှိုးပြီး ရှော့တိုက်တဲ့ နည်းပါ။ အဲဒီနည်းက အလွန်ရက်စက်ပြီး ဝါယာကြိုး အနီးတဝိုက်က သက်ရှိမှန်သမျှကို သေသွားစေပါတယ်။ အဲဒီကမှ ပေါ်လာတဲ့ ငါးတွေကို အသာလေး ကောက်ရတဲ့ အလွန်လွယ်ကူပြီး ဂေဟ စနစ် ပျက်စီးစေတဲ့ ငါးဖမ်းနည်းပဲ ဖြစ်ပါတယ်။

ဒီလိုဖမ်းနည်းဟာ အတ္တကြီးပြီး တနပ်စားဥာဏ်နဲ့ လုပ်တဲ့ နည်းပဲ ဖြစ်ပါတယ်။ အဲဒီလို တနပ်စား လုပ်လိုက်တော့ အဲဒီလို ဖမ်းတဲ့နေရာတဝိုက်မှာ နောက်ထပ် ငါးဖမ်းလို့ မရတော့ပါဘူး။ ငါးဖမ်းလို့ မရရင် ဒေသခံ တံငါသည်တွေ ထမင်းငတ်မယ့် ကိန်းပါပဲ။

ပြီးတော့ ဧရာဝတီ မြစ်ရဲ့ ဂေဟဗေဒ စနစ်ကို ထိခိုက်စေပြီးတော့ နောင်တချိန်မှာ ဧရာဝတီမြစ်ဟာ ငါးမရှိတဲ့ မြစ်တခု ဖြစ်သွားပါလိမ့်မယ်။ အဲဒါကြောင့် ဖြစ်နိုင်ရင် မီးစက်နဲ့ ရှော့တိုက်တဲ့ ငါးဖမ်းနည်းကို မလုပ်ကြဖို့ တာဝန်ရှိသူတွေအနေနဲ့ အမိန့်အာဏာတွေ ထုတ်ပြန်ပြီး တားမြစ်ဖို့ လိုအပ်ကြောင်း ဖော်ပြလိုက်ရပါတယ်။