မြောက်ကိုရီးယားက တောင်ကိုရီးယားကို လက်စားချေတော့မည်…ပုံကိုနှိပ်ပြီးအပြည့်အစုံ ဖတ်နိုင်သည်

မြောက်ကိုရီးယားက တောင်ကိုရီးယားကို လက်စားချေတော့မည်

မြောက်ကိုရီးယားက လက်စားချေမယ်တဲ့…

အဖြစ်က ဒီလို..။ ၂၀၂၀ ပြည့်နှစ်၊ ဇွန်လ ၁ ရက်နေ့။ မြောက်ကိုရီးယားပြည်ပြေးတွေ လုပ်နေကျ ထုံးစံအတိုင်း တောင်ကိုရီးယားဘက်ကနေ မြောက်ကိုရီးယားဘက်ကို မီးပုံးပျံတွေလွှတ်ပြီး စာတွေကြဲခဲ့တယ်။ စာအစောင်ပေါင်း ၅၀၀,၀၀၀ ကျော်ပေါ့။ ဖိနှိပ်မှုတွေမခံနဲ့၊ လူ့အခွင့်အရေးဆိုတာ ဘာလဲ၊ ခရစ်ယာန် ဘာသာကိုးကွယ်ကြဖို့.. စသည်ဖြင့်..။

ဒီနေ့ပဲ မြောက်ကိုရီးယားဘက်ကလည်း ဝါဒဖြန့်ချိရေး လက်ကမ်းစာစောင် ၁၂ သိန်းကို တောင်ကိုရီးယားဘက်ကို မီးပုံးပျံတွေနဲ့ ပြန်ပို့မလို့ စီစဉ်နေပြီလို့ ကြေညာလိုက်တယ်။ သူတို့ဘက်က အဆပေါင်းများစွာ ပြန်ပို့မယ်ပေါ့။

မြောက်ကိုရီးယားမြို့တော် ပြုံယမ်းကနေ တောင်ကိုရီးယားနိုင်ငံကို ပူဖောင်း ၃၀၀၀ နဲ့ လက်ကမ်းစာစောင် ၁၂ သိန်းဖြန့်မယ်လို့ဆိုတယ်။“ခင်ဗျားတို့ တောင်ကိုရီးယားက လွှတ်တင်တဲ့ ဝါဒဖြန့်ချိရေး လက်ကမ်းစာစောင်တွေဟာ ဘယ်လောက် ဒေါသဖြစ်ဖို့ကောင်းတယ်ဆိုတာ သိရအောင် ခင်ဗျားတို့ကို ကလဲ့စားချေမယ်”

တောင်ကိုရီးယားဘက်က မြောက်ကိုရီးယားပြည်ပြေးတွေက စာကြဲတုန်းက ၁ ဒေါ်လာတန်တွေ၊ သကြားလုံးတွေ၊ အသုံးဝင်မယ့် ပစ္စည်းသေးသေးလေးတွေ နဲ့ လက်ကမ်းစာစောင် ၅၀၀,၀၀၀ မှာ တွဲပြီးပို့တာဖြစ်တယ်။

ပြုံယမ်းမြို့ကနေ တောင်ကိုရီးယားနိုင်ငံကို ပို့မယ့် လက်ကမ်း စာစောင် ၁၂ သိန်းမှာတော့ တောင်ကိုရီးယား သမ္မတ မွန်းဂျေအင်း ဓာတ်ပုံ နဲ့ အတူ သမ္မတကို လှောင်ပြောင်တဲ့စာတွေ၊ ဆေးလိပ်တိုတွေ၊ အမှိုက်တွေ ထည့်ထားတယ်လို့ ကြေညာလိုက်တယ်။

မြောက်ကိုရီးယားခေါင်းဆောင် ကင်မ်ဂျုံအန် (Kim Jong Un) ရဲ့ ညီမ ကင်မ်ယွန်ဂျောင် (Kim Yo Jong) က “ဒီလို တောင်ကိုရီးယားဘက်က ဆန့်ကျင်ရေးစာရွက်စာတမ်းတွေကို ကျွန်မတို့ဘက်ကို ထပ်မပို့ဖို့ ဥပဒေနဲ့တားရမယ်။ ဒီလိုမှ မလုပ်ရင် စစ်ရေးသဘောတူညီချက်ကို ကျွန်မတို့ ချိုးဖောက်နိုင်တယ်” တဲ့ ဒီနေ့ပဲ ထပ်ပြောလိုက်တယ်။

မကြာခင် သူတို့ဘက်က စာတွေ တောင်ကိုရီးယားဘက်ကို မိုးရွာသလို ကျလာတော့မယ်။ သူတို့ဘက်က မီးပုံးပျံမသုံးပဲ မောင်းသူမဲ့လေယဉ် (ဒရုန်း- drone ) သုံးမယ်ဆိုရင်တော့ လေယဉ်စက်ပစ္စည်းမို့ နိုင်ငံတကာဥပဒေအရ အရေးယူ သင့်တဲ့ ကိစ္စဖြစ်တယ်တဲ့။ မရွှေမိုး (ကိုရီးယား) June 22nd,2020/

တောင်ကိုရီးယားရောက် မြန်မာမောင်နှမတွေ အဲဒီစာတွေရရင် မကောက်နဲ့ ။ ဓာတုဗေဒပစ္စည်းတွေ၊ ဗိုင်းရပ်စ်တွေပါရင် ဘယ်လိုလုပ်မလဲ..။ (ကျွန်မရဲ့ စိုးရိမ်မှု သက်သက်သာဖြစ်ပါတယ်။)

Add a Comment

Your email address will not be published. Required fields are marked *