သူ့လို ရှားရှားပါးပါး လယ်သမားမျိုးကို တန်ဖိုးထားပေးကြပါ…လူကြီးမင်းတို့ ခင်ဗျာ

အခုလို ခေတ်ကာလမှာ သူ့လို ရှားရှားပါးပါး လယ်သမားမျိုးကို တန်ဖိုးထားကြပါ

အမှတ် ၇ လမ်းမဘေးမှာ လယ်ဧက ၈၀ ပိုင်တဲ့သူငယ်ချင်း အင်ဂျင်နီယာတစ်ယောက်ရှိတယ်…

တစ်ချို့တွေကတော့လယ်တွေဝယ်ပြီး လယ်မလုပ်ကြဘူး.. အခြားနည်းသုံးစွဲခွင့်လျှောက်ပြီး စက်ရုံတို့ဂိုထောင်တို့လုပ်ကြတယ်.. သူကတော့အဲတာတွေမလုပ်ဘူး.. လယ်ပဲစိုက်တယ်.. အင်ဂျင်နီယာလယ်သမားဆိုတော့ ဖောက်ထွက်တွေးတတ်လုပ်တတ်တယ်.. လယ်ကို စက်အားနဲ့မြေညှိတယ်.. ရေသွင်းရေထုတ်ကောင်းအောင်လုပ်တယ်.. ရိတ်သိမ်းခြွေလှေ့စက်သုံးတယ်..

သဘာဝပိုးသတ်ဆေးကိုယ်တိုင် ဖော်စပ်ပြီးသုံးတယ်…စပါးစိုက်လို့အဆင်မပြေတဲ့နေရာတွေမှာ ငှက်ပျောနဲ့အခြားအပင်တွေစိုက်တယ်.. ရေနက်ကွင်းနေရာမှာ ငါးကန်တူးတယ်.. သူ့ကိုယ်ပိုင် ဆန်စက်ရှိတယ်.. စပါးအခြောက်ခံစက်ရှိတယ်.. စက်မှုလယ်ယာအကောင်အထည်ဖော်ဖို့ လျှပ်စစ်မီးလိုတယ်.. မီးလိုင်းက သူ့လယ်ရှေ့မှာပဲရှိတယ်.. ဒါနဲ့သူမီတာလျှောက်တယ် မရဘူးတဲ့..

လယ်ယာမြေကို လျှပ်စစ်မီးမပေးဘူးတဲ့…ဒါပေမဲ့အသနားခံစာတင်ပါတဲ့.. သူမတင်တော့ဘူး.. ဥပဒေပြင်မှလျှောက်တော့မယ်တဲ့.. အခုတော့ဆိုလာမီးနဲ့သုံးနေတယ်…လယ်ထဲမှာ လူနေဖို့နဲ့ ရုံးအဖြစ်သုံးဖို့ နှစ်ထပ်အဆောက်အဦးဆောက်တယ်.. စည်ပင်က လာတားတယ်.. လယ်ယာမြေမှာ အဆောက်အဦး ဆောက်လုပ်ခွင့်မရှိဘူးတဲ့.. ဒီဥပဒေတွေက ဒီဖက်ခေတ်နဲ့ မကိုက်တော့ဘူး..

လယ်သမားဆိုရင် လယ်စောင့်တဲလေးခြေတံရှည်နဲ့ပဲနေရမလိုဖြစ်နေတယ်…လယ်ယာမြေတွေကို ဆိုင်ရာပိုင်ရာနဲ့ပေါင်းပြီး အခြားနည်းသုံးစွဲခွင့်လျှောက်ပြီး ဈေးကြီးကြီးနဲ့ရောင်းစားရင်တော့ အဆင်ပြေမယ်.. တကယ်အလုပ်လုပ်မဲ့သူတွေမှာတော့ ဟန်မကျဘူးဖြစ်နေတယ်..အခုလို ကိုဗစ်အလွန်ကာလမှာ သူလိုလယ်သမားကြီးတွေက တိုင်းပြည်ရဲ့အားတွေပါ..

သူတို့အလုပ်လုပ်ချင်လာအောင် တာဝန်ရှိသူများက အားပေးချီးမြှောက်ပေးစေလိုလို့ ဒီစာလေးရေးလိုက်တာပါ.. အမတ်မင်းများလည်း အားကိုးပါရစေခင်ဗျား…(Charlie Soe)

Add a Comment

Your email address will not be published. Required fields are marked *