မယုံနိုင်စရာပါပဲဗျာ…နာမည်ကြီး ထိုင်း TG လေကြောင်းလိုင်း ဒေဝါလီခံလိုက်ရပါပြီ

နာမည်ကြီး ထိုင်း TG လေကြောင်းလိုင်း ဒေဝါလီခံ

ထိုင်းအစိုးရအဖွဲ့၏ အဓိက ဘုတ်အဖွဲ့တစ်ခုက ၄င်းတို့၏ အစီအစဉ်ကို ကျောထောက်နောက်ခံ ပြုပေးခဲ့ပြီးနောက် Thai Airways လေကြောင်းကုမ္ပဏီသည် တရားရုံး၌ ဒေဝါလီခံခြင်းမှတစ်ဆင့် ပြန်လည်ဖွဲ့စည်းရန် နီးစပ်နေကြောင်း သိရသည်။ ၄င်းအစီအစဉ်ကို မေ ၁၉ ရက်တွင် အစိုးရအဖွဲ့က သုံးသပ်စဉ်းစားမည်ဖြစ်သည်။

နိုင်ငံတော်ကလုပ်ကိုင်နေသော လုပ်ငန်းများနှင့်ပတ်သက်၍ မူဝါဒများကို ကြီးကြပ်သည့် ကော်မတီတစ်ရပ်က အဆိုပါလေကြောင်းကုမ္ပဏီအနေဖြင့် ယင်းကဲ့သို့ ပြန်လည် နာလန်ထရေးအစီအစဉ်ကို ရှာဖွေသင့်ကြောင်း သဘောတူထားသည်ဟု အစိုးရအဖွဲ့ ပြောရေးဆိုခွင့်ရအမျိုးသမီး နာရုမွန်ပင်ယိုဆင်ဝပ်က မေ ၁၈ ရက်တွင် ဘန်ကောက်မြို့၌ သတင်းထောက်များအား ပြောကြားခဲ့သည်။

ကမ္ဘာတစ်လွှားရှိ အစိုးရအဖွဲ့များသည် ကိုရိုနာဗိုင်းရပ်စ်ကူးစက် ပျံ့နှံ့မှုက ခရီးသွားမှုဆိုင်ရာ ဝယ်လိုအားနှင့် လေယာဉ်ကွင်းသို့ ဆင်းသက်မှုများကို ကျဆင်းစေခဲ့ပြီးနောက် လေကြောင်းလိုင်းများ ပြန်လည် နာလန်ထူရေးအတွက် အမေရိကန်ဒေါ်လာ ၈၅ ဘီလျံကျော် မြှုပ်နှံပေးခဲ့သည်။ အရေးအပေါ် အခြေအနေကြေညာချက်အောက်၌ ထိုင်းနယ်စပ်များကို မေလကုန်အထိ ထိန်းချုပ်ကန့်သတ်ထားဆဲဖြစ်ပြီး ပြည်တွင်းလေကြောင်းခရီးစဉ်အချို့ ပြန်လည်စတင်နေပြီ ဖြစ်သော်လည်း နိုင်ငံတကာလေကြောင်းခရီးစဉ်များကို ဇွန်လကုန်ထိ ပိတ်ပင်ထားသည်။

ထိုင်းဘဏ္ဍာရေးဝန်ကြီးဌာနက ရှယ်ယာအများစု ပိုင်ဆိုင်သည့် Thai Airways သည် စံချိန်တင်အဖြစ် ဘတ်ငွေ ၅၂ ဘီလျံခန့် အကြွေးတင်နေပြီး ယင်းတို့အနက် ၇၈ ရာခိုင်နှုန်းခန့်ကို ငွေချေးစာချုပ်ဖြင့် ရင်းနှီးမြှုပ်နှံထားသူများက ပိုင်ဆိုင်ကြောင်း Bloomberg က စုဆောင်းထားသည့် အချက်အလက်များအရ သိရသည်။

S&P Global Ratings ကုမ္ပဏီက တစ်စိတ်တစ်ပိုင်းပိုင်ဆိုင်သော Tris Rating က “ဒေဝါလီခံလျက် ပြန်လည် ဖွဲ့စည်းရန် လျှောက်ထားမှုအား အာဏာပိုင်များက စဉ်းစားနေသည့်အချက်သည် တာဝန်ဝတ္တရားများအားလုံးကို အချိန်နှင့်တစ်ပြေးညီ ပြည့်စုံစေရေးအတွက် ထိုင်းကုမ္ပဏီများ စွမ်းဆောင်နိုင်ရန် အစိုးရက လိုအပ်သည့်လုပ်ဆောင်ချက်များ ပြုလုပ်ပေးမည်ဟူသည့် ကျွန်ုပ်တို့၏ ယုံကြည်မှုကို ပျက်စီးစေခဲ့ကြောင်း ” ထုတ်ပြန်ချက်တစ်ရပ်၌ ပြောကြားထားသည်။

Tris Rating သည် Thai Airways ကို အဆင့်အတန်း လျှော့ချခဲ့ပြီး စာချုပ်များနှင့် ပတ်သက်၍ လုံခြုံစိတ်ချရမှုကို A အဆင့်မှ BBB အဆင့်သို့ လျှော့ချခဲ့သည်။ “Thai Airways ရဲ့ စာချုပ်တွေကို ကိုင်ဆောင်ထားသူတွေအနေနဲ့ ကုမ္ပဏီရဲ့ ပြန်လည်နာလန်ထရေး အစီအစဉ် အသေးစိတ်တွေကို အနီးကပ် စောင့်ကြည့်နေကြပါတယ်” ဟု Kasikornbank ဘဏ်ကုမ္ပဏီ၏ ဒုတိယဥက္ကဋ္ဌ သီတီတန်တီကူလာနန်က ဆွေးနွေးပွဲတစ်ရပ်၌ ပြောကြားခဲ့သည်။ “Thai Airways ရဲ့ ငွေချေးစာချုပ်တွေ အများစုကို အကန့်အသတ်ရှိတဲ့ ရင်းနှီးမြှုပ်နှံသူတွေကိုပဲ ရောင်းချထားတာမို့ ငွေချေးစာချုပ်ဈေးကွက်တစ်ရပ်လုံးအပေါ် သက်ရောက်မှုဟာ အကန့်အသတ်ရှိပါတယ်” ဟုလည်း ၄င်းက ပြောကြားခဲ့သည်။

Thai Airways သည် ၂၀၁၃ ခုနှစ်မှစတင်၍ နှစ်ပတ်လည်အရှုံးစာရင်းများကို နှစ်တိုင်းနီးပါး ထုတ်ပြန်ခဲ့သည်။ အဆိုပါလေကြောင်းကုမ္ပဏီသည် COVID-19 ရောဂါကူးစက်ပျံ့နှံ့မှု မဖြစ်ပွားမီကတည်းကပင် ၄င်းတို့၏ လုပ်ဆောင်ချက်များနှင့်ပတ်သက်၍ ဖိအားများအောက်သို့ ရောက်ရှိနေခဲ့ခြင်းဖြစ်သည်။အဆိုပါကုမ္ပဏီ၏ ရှယ်ယာများသည် မေ ၁၈ ရက်တွင် ၁၃ ရာခိုင်နှုန်းအထိ ကျဆင်းသွားပြီး တစ်လကျော်အတွင်း အနိမ့်ဆုံးဖြစ်သည်။ စတော့ရှယ်ယာများသည် ၁၉၉၉ ခုနှစ်တွင် အမြင့်ဆုံးသို့ ရောက်ရှိပြီးနောက် ရာခိုင်နှုန်း ၉၀ ကျော် နိမ့်ဆင်းလာခြင်းဖြစ်သည်။လေးစားစွာဖြင့် ခရစ်ဒက် …..Eleven