ရပ်စောက်တွင် ဖခင်မှ သားဖြစ်သူအား ဓါးဖြင့်ခုတ်သတ်…သတင်းအပြည့်အစုံ

ရပ်စောက်တွင် ဖခင်မှ သားဖြစ်သူအား ဓါးဖြင့်ခုတ်သတ်

ရှမ်းပြည်နယ်တောင်ပိုင်း၊ တောင်ကြီးခရိုင်၊ ရပ်စောက်မြို့နယ်၊ ဟွှေးကျေးရွာအုပ်စုတွင် မေလ ၁၃ ရက်၊ ညနေပိုင်းက ဖခင်မှ သားဖြစ်သူအား ဓါးဖြင့်ခုတ်သတ်မှုတစ်ခု ဖြစ်ပွားခဲ့ကြောင်း သိရသည်။ ရပ်စောက်မြို့နယ်၊ ဟွှေးကျေးရွာအုပ်စု၊ လွယ်ဟောင်းကျေးရွာ၏ အရှေ့မြောက်ဘက်၊ ပန်ဆေးကျေးရွာရှိ တောင်ယာ တဲစုတွင်

မေလ ၁၃ ရက်၊ ညနေ ၄ နာရီအချိန်ခန့်က ဖခင်ဖြစ်သူ ဦးထွန်းနေ (၅၅ နှစ်) မှ ၎င်း၏ သားဖြစ်သူ မောင်ဦး (၃၀ နှစ်) အား အလုပ်လုပ်ကိုင်ခြင်းမရှိဘဲ အရက်သေစာ သောက်စားနေသည့်အတွက် ဆူပူကြိမ်းမောင်းရာမှ အချင်း များခဲ့ပြီး သားဖြစ်သူမှ အနီးရှိ အရိုးအသွား ၂ ပေခွဲခန့်ရှိ ထင်းခုတ်ဓါးဖြင့် ဖခင်အား ခုတ်မည်ပြုစဉ်

ဖခင်က ဓါးအား လုယူ၍ သားဖြစ်သူ၏ ဝဲဘက်ပခုံး လယ်ဂုတ်နေရာအား ပြန်ခုတ်ခဲ့ရာ မောင်ဦးမှာ အခင်းဖြစ်နေရာတွင် သေဆုံးခဲ့ခြင်း ဖြစ်ကြောင်း သိရသည်။ အဆိုပါ အမှုမှ သားဖြစ်သူ မောင်ဦးအား ဓါးဖြင့်ခုတ်ခဲ့သူ ဦးထွန်းနေ (၅၅ နှစ်) အား ရပ်စောက်မြို့မရဲစခန်းမှ (ပ)၅၆/၂၀၂၀၊ ရာဇသတ်ကြီးဥပဒေပုဒ်မ ၃၀၂ ဖြင့် အမှုဖွင့်စစ်ဆေး ဆောင်ရွက်လျက်ရှိကြောင်း သိရသည်။ KBZTai

Add a Comment

Your email address will not be published. Required fields are marked *