နေပူကျဲကျဲထဲ ကားလမ်းမပေါ်မှာ ဖိနပ်မပါဘဲ လမ်းလျှောက်နေတဲ့ သားအမိ(၂)ယောက်ကို တွေ့လို့ မေးကြည့်လိုက်တဲ့အခါ

“နေပူကျဲကျဲထဲ ကားလမ်းမပေါ်မှာ ဖိနပ်မပါဘဲ လမ်းလျှောက်နေတဲ့ သားအမိ(၂)ယောက်ကို တွေ့လို့ မေးကြည့်လိုက်တဲ့အခါ”

ကားခမပါလို့မန္တလေးကနေ မကွေးကို နေပူကျဲကျဲကားလမ်းမပေါ်မှာ ဖိနပ်မပါပဲ ရောက်သလောက်ခြေလျှင်လျှောက်တဲ့ သားမိနှစ်ယောက်

နေ့ခင်း ၁၁း၃၀ လောက် ကိုယ်တယောက်ထဲခရီးကအပြန် နေပူကျဲကျဲကားလမ်းမပေါ်မှာ ဖိနပ်မပါ ထော့နင်းထော့နင်းနဲ့အသက်၂၀ ဝန်းကျင်လောက်ရှိမဲ့မိခင်တယောက် ၃နှစ်သားအရွယ်ကလေး လက်ဆွဲသွားနေတယ်။

ဒီလောက်နေပူပူ ဖိနပ်ဘာလို့ မပါလဲမေးတော့ဖိနပ်ပြတ်သွားလို့တဲ့ ခြေထောက်ပူလွန်းတော့ သူ့မျက်နှာက မဲ့ရှုံ့ပြီးဖြေရှာတယ်။ လမ်းလျှောက်လာတဲ့ခရီးမေးကြည့်တော့ မြစ်ငယ်တံတားကနေ လျောက်လာတာ မိုင် ၃၅လောက်ရှိပြီထင်တယ်တဲ့။

အဲ့ဒါနဲ့ကားဂိတ်ထိခေါ်လာပြီး ထမင်းဆိုင် ထမင်းကျွေးတာ ဆာလွန်းနေတဲ့ပုံစံနဲ့ တုန်နေတာ ၄ ပုဂံတောင်ကုန်တယ်။ မန္တလေးကို အလုပ်သွားရှာတာ ကလေးပေါက်စပါလို့ အလုပ်မရလို့ပြန်လာတာတဲ့။

ကားခမပါလို့မန္တလေးကနေ မကွေးကို ရောက်သလောက်ခြေလျှင်လျှောက်မှာဆိုတော့ ကူမဲ မကွေးကားကလည်း ထွက်သွားပြီ မရှိတော့ဘူး ဆိုတော့ ကူမဲ မိတ္ထီလာ ကားကိုအပ် ကားသမားကို ကားခ ၃၀၀၀ ပေးပြီး။

မိတ္ထီလာရောက်ရင် မကွေးကားရှာတင်ပေးလိုက်ပါလို့ အကူအညီတောင်းကာ ဒုက္ခသည် သားအမိကို ၁၅၀၀၀ိ နဲ့ လမ်းစားဘို့ ခေါက်ဆွဲကြော် ငုံးဥပြုတ် နာနတ်သီးနဲ့ ရေ ၄ဗူး ထည့်ပေးလိုက်တယ်။

ဒီအလှုကြောင့် လူတိုင်းလူတိုင်း နေပူပူဖိနပ်မပါခြင်း အစာဆာလောင်ခြင်းကင်းဝေးပါစေလို့ဘဲ ဆုတောင်းမိပါတယ်။ Courtesy + Kyaw Zin